Pag-ibig.

Ang sarap mag mahal, oo. Sobra. Pero hindi sa lahat ng oras puro ngiti, tawa, saya, o kilig ang mararamdaman mo pag nag mahal ka. Complete package yan. Nandiyan ang lungkot, sakit, awayan, selosan, tampuhan. Nakakainis noh? Pero ganun talaga ang buhay ng nagmamahal.


Pero pano pag ginawa mo na ang lahat pero wala paring saysay ang lahat nang ito sa kanya? Pano kung di ka nagkulang sa pagpapa-alala na SIYA LANG. Pano kung di niya mapigilang magselos? Mag-aaway kayo? Posible. Pero kung mag sorry siya? Babalewalain mo? Magmamatigas ka? Bakit? Dahil ba sa pride na yan? Shunga ka? Di pinapa-iral yang lesheng pride na yan sa isang relasyon.


Sa tuwing nag mamatigas kayo at sinusubok kung sinong mas malakas, sinong makakatiis, sinong mas magaling e pumapasok kayo sa isang labang PAREHAS KAYONG TALO. Nagpakababa na yung isa, di pa ba sapat yun? Kulang parin?


 Hindi basta-basta sinusukuan ang problema. Nilalabanan to. At dapat magkaka-kampi kayo. Hindi yung magkakampi lang kayo pag ok ang lahat kasi mas importanteng magkasama kayong lumalaban lalo na kahit di malinaw ang hinaharap.

Hindi sa dami ng masasayang araw nasusukat kung gano katibay ang isang relasyon kundi sa dami ng pag subok na nilabanan niyo ng magkasama. Sa dami ng pagsubok na pinili niyong pagtagumpayan kasi ayaw niyong mawala ang isa't-isa.



Maraming magkarelasyon ang nag-aaway dahil sa walang kamatayang SELOS. Ang selos ay hindi tanda ng kawalan ng tiwala sa isa kundi tanda na mahalaga ka at ayaw niyang mawala ka sa kanya. Huwag kang nagalit kung nagseselos siya, matakot ka kung hindi na, kung wala na siyang paki-alam.

 Bawat luhang pumapatak mula sa kanyang mga mata ay tanda ng ayaw niyang mawala ka. Kung maaari, suklian mo yun. Punasan mo at ipaalalang hindi ka mawawala.

Pag nabasa to ng mga babae, sasang-ayon sila agad pero girls, may papel din kayong gagampanan bilang girlfriend. Effort? Hindi lang lalaki ang gumagawa nun. Nakikita yun sa both sides. At wag balewalain ang effort na pinapakita niya. Tao din yan. Mapapagod. Baka balang araw yung effort na binabalewala mo e sa iba na niya binibigay at pag sisihan mo to.


Never take the person you love for granted. Di habang buhay nandiyan siya. Bawat minutong sinasayang niyong di nagpapansinan ay mga panahon sanang pwede niyong igugol ng magkasama, masaya. Wag mong balewalain ang effort na binibigay niya. Baka pag napagod yan e ikaw ang maghabol at di mo maabutan.


Kung nakita mo na ang taong gusto mong makasama habambuhay, alagaan mo. Wag mong bigyan ng dahilan at pagkakataong iwan ka at mawala siya. Bagkus bigyan mo siya ng sapat na dahilan para manatili. Ipakita mong di siya nagkamali na sa dinami-rami ng tao sa mundo, ikaw ang pinili niya.

Oo, walang perpektong relasyon. Walang relasyong walang away, tampuhan, selosan pero pwede niyong gawin ang relasyon niyo na karapat-dapat ipaglaban. Magtulungan kayo. Ayusin ang dapat ayusin.

Di maiiwasang dumating sa puntong parang ayaw niyo na. Pag ganun, isipin niyo kung bakit nga ba kayo humawak ng ganun katagal. Kung yan ang gagawin ng bawat isa, malamang kakaunti ang pagkakataong umiiyak dahil sa lungkot at sakit. Hanggat maaari, kung paiiyakin niyo ang partner niyo e gawin niyo ng dahil sa sobrang saya.




 Susuko ka na ba o lalaban pa?